Lo bèth temps au rendetz-vos deu vueita-solèrs de primtemps

Dimenge, qu’ei dab un bèth sorelh que l’escòla Calandreta deu Seuvèstre qu’a organizat lo son cincau vueita-solèrs a Porciuvas-Bocoa.

Instalats suu terrin de petanca municipau, los expausants que son vienuts perpausar aus amators un hèish d’objèctes disparièrs sortits de las cavas o deus solèrs.

Los visitors que son vienuts nombrós, profieitar d’aquera beròja jornada entà’s passejar en familha e tà trobar lo lor bonur per quauques euros.

Los bons ahars que son estats heits en musica, aus sons deus djembes deu grupe locau que l'escòla merceja hèra tà la loa  preséncia.

Los pairs, qui’s son mobilizats desempuish l’aubeta entà instalar, puish tà tiener l’estanquet e har a minjar aus visitors, que son contents d’aquesta navèra escaduda.

Mes pas de pausa tà eths : que balhan dejà un rendetz-vos aus gastronòmas entau dissabte 30 de junh tà un Mercat Gormand de nueit « Los delicis bearnés » on los productors que perpausaràn produits deu país.