L’A.G. ordinària qu’amassa ua còp per an los membres de l’associacion. Que permet de presentar lo bilanç morau e financèr, atau com lo bilanç d’activitat de l’equipa pedagogica. Que permet egaument de recuélher las candidaturas d’aderents tà la lor entrada au Conselh d'administracion. En cas de necessitat, A.G. extraordinàrias que pòden tiene’s.
Lo Conselh d'administracion :
Qu’ei l’organe de decision e lo representant de l’associacion, qu’assegura lo foncionar de l’escòla. Qu’ei elegit per 2 ans au demiei deus membres de l’associacion au moment de l’amassada generau. Que s’amassa de cap a ua còp per mes. Lo cap d’establiment, un delegat de l’equipa ensenhaira, un delegat deu personau e un representant de la federacion regionau e departamentau que son presents. L’amassada deus aderents qu'i pòden assistir si ac desiran, pontuaument o regularament (tà s'informar mes shens dret de vòte).
Lo Burèu :
Lo burèu qu'ei elegit per 2 ans peu conselh d’administracion au demiei deus sons membres ; qu’ei au mensh composat d’un president, d’un secretari e d’un dinerèr. Que tracta deus ahars en cors e que prepara los conselhs d’administracion.
Las comissions :
En foncion deus besonhs, comissions que pòden estar apitadas. Qu’an per objectiu de pensar a tèmas precís e de hicar en plaça accions.
Aucun commentaire:
Enregistrer un commentaire