Lo 15 de seteme qu'anèm a Taron entà seguir l'aulhèr Stéphane e lo son hilh Xomin, ua pausòta suu camin de l'amontanhatge ivernau. Que baishavan deu lac d'Estaing dinc a casa, en Gironda. Que'us acompanhèm sus 6 Km.
Los aulhèrs que pujan e que baishan tà la montanha desempuish lo Neolitic. . Que pujan tà la montanha pr'amor l'èrba qu'ei mei rica e l'aire mei fresc l'estiu. Atau que hèn un bon hromatge qui a un bon gost.
Stéphane e Xomin que contunhan aquesta tradicion mes que i a chic d'aulhèrs qui ac hèn a pè. Los autes que pujan e que baishan dab un camion. Qu'ei mensh fatigant.
Desempuish quan existeish lo hromatge ?
Los umans que fabrican hromatge desempuish la fin de la Preïstòria. Tà carrejar la lèit que la hicavan dens las veishigas dus animaus qui avèvan tuat. Com a l'interior de las veishigas qu'i avèva bacterias e elements especiaus (presura) la lèit que's cambiava en iaort, en hromatge. Los istorians que pensan qu'ei atau qui descobrin la tecnica de fabricacion deu hromatge, drin per asard.
Aucun commentaire:
Enregistrer un commentaire